Home Exam / Life Management / UPSC

HOW TO PREPARE FOR THE IAS EXAM 2019

HOW TO PREPARE FOR THE IAS EXAM 2020

HOW TO PREPARE FOR THE IAS EXAM



इतिहास रटना नहीं है मेरे दोस्त , इतिहास रचना है 

Hello dosto, 

Kya Aap bhi IAS ki taiyari shuru karne ki soch rahe hai ya Shuru kar chuke hai. Agar shuru karna chahate hai ye post aapke liye hai.
Aur Agar shuru kar chuke hai to pata hoga ki Initial padhai bahut confusing Hoti hai.

Dosto jab maine taiyari shuru kiya tab mere bahut confusing safar tha. Main hamesha confuse rehta tha kaha se shuru karu? kya padhu? Exam pattern etc pe hamesha se confusion tha.

In sabhi confusion me sabse bada confusion syllabus ko lekar tha. Mere dimaag me hamesha hi bahut sare sawaal aate the. 

Wese hi bahut baccho me  ke dimaag  Eligiblity , Exam date, syllabus etc ke baare me bahut sare confusions hoga.

Bahot bacche ho sakta hai Coaching lene ke bare me bhi soch rahe honge. Lena Chahiye nahi lena chahiye. 

Par baccho ka ek galat desicion unko bahut mehnga bhi pad sakta hai. Unko samay kimti samay aur paisa dono barbad ho sakta hai.


Bahut sare Coaching institute ko UPSC ke naye disha nirdesh ke anusaar kya padhna padhana hai pata tak nahi hai.


Aise bahut coaching Institute hai jo bachho ko kharab margdarshan aur kharab study material pakda kar bich majdhar me chod dete hai.


Agar koi student taiyari karna chahta hai toh meri sabse pehle yahi salaah hogi ki wo UPSC ki website se notification download karke padhe puri information padh le ya fir meri HINDITOWN ko ek baar check kare.


Aap sabhi please kuch bhi Jankari IAS preparation se related search karna ho to meri website aa kar dekh sakte hai FREE me.


Aapko yaha aapke IAS se related sare topics ki zaruri jankari mil jayegi.


Logo se galat salaah lene ke bajaye aap khud aur apne dosto ko meri website ke baare me bata sakte hai.


Yaha maine apne experience se  kuch khaas baate bataye hai jo apke bahut kaam aayenge. 

Chahe Aap kisi Coaching institute me padh rahe ya Self study kar rahe ho.



How to prepare for UPSC Exam




Dosto, duniya me kisi bhi exam ya game ko crack karne ke liye sabse prime factor uska Exam ( Game) pattern hota hai.


Jab aap game ke pattern ko samjh jate hai to bahut sare kaam aasan ho jate hai. Uski planning easy ho jati hai.


UPSC ya kisi bhi PCS (Provincial civil service) ke me 3 stages hote hai.



  • Preliminary Exam (Prelims)
  • Mains Exam
  • Interview
Student ko har stage paar karna hota hai. Jese Jese student game ke stage par karta hai agle stage ka level aur badh jata hai. 
Is game ka last stage Interview hai. Last stage bahut khatarnaak stage hai isme iske question jane pahchane bhi ho sakte hai ya fir pure anjane questions ka saamna karna padta hai. 
Ye apke dimaag ke quick reaction par depend karta hai ki aap ye game jeet sakte hai ya nahi.

Isliye interview ki khass taiyari karni padti hai.

Mere hisaab se Is UPSC game ke dusra sabse bada villen factor iska syllabus hai. Is exam ka syllabus duniya dusre kisi bhi exam se bada aur gahra syllabus hai.

Jab hum IAS ka success rate dekhenge to khud hi samjh jayenge ki ye kitna hard exam hai.

Har saal lakho bachhe prelims ka exam likhte hai par unme se 25% hi mains level tak pahuch pate hai.

Mains ke baad 85% bachhe game se bahar ho jate hai. Keval 15% bachhe Interview ke liye select ho pate hai.

Is tarah Interview ke khatm hote tak 1% se bhi kam bachhe ko IAS ka post mil pata hai.
Isi kaaran UPSC ko sabse khatarnaak aur hard exam kehta hoon.


Useful Links for Begginers

HOW TO PREPARE FOR IAS EXAM WITHOUT COACHING?


Dosto, Aapko aise kayi students mil jayenge jinhone exam bina coaching ke nikala hai, Kayi students ne to top bhi kiya hai.
Isse saaf saaf pata chalta hai UPSC ki taiyari ke liye Coaching jaruri nahi hai. Balki aapki mehnat zaruri hai.

Bahut bachhe coaching ko prefer karte hai kyoki unhe daily routine practice aur targets set karne me madad mil jati hai..
Lekin agar aap Self motivated hai to ye sab kuch aap apne aap se bhi kar sakte hai.

Agar aap confident hai aur self study se taiyari karne ke liye saksham hai to aap bahut saara apna keemti samay aur paisa dono baca sakte hai.

Main khud self study kar raha hoon. Mere experience kuch tips hai aapke liye jo aap ke liye zarur kaam aayengi.

  • Apne khud ka displine  aur Daily Routine banaye. Aur usse kabhi mat todiye chahe kuch bhi jaye.
  • Jab aap kuch padh rahe ho uska kuch kuch section padhiye. Selective Reading kariye.
  • Apne 2-4 line wale  note khud banaye.
  • Har 10-15 din me us notes ko padhte rahe.
  • Dusre Taiyari karne wale ke sampark me rahe. Agar wo coaching kar raha hai to aur bhi badhiya. Isse aap apna speed maintain rakhenge.
  • Har 10-15 din me khud ka test lijiye.
  • Aur Last me sabse zaruri, Apne aap ko yakin dilate rahe ki aap bina coaching ke bhi Exam ko crack kar denge.

HOW TO PREPARE FOR IAS AFTER 12TH.

 Dosto, IAS ki taiyari jaldi shuru karne ke bhi apne fayde hai. Prelims ke liye aap apne awareness badha sakte hai aur GS paper ke liye bharpur taiyari kar sakte hai.

Interview ke lambe samay se khud ko taiyar kar sakte hai.
12th ke baad taiyari start karne se bachhe stress free preparation kar sakte hai.

Iske sath sath jab bachhe kisi particular year ke liye wakai me taiyari shuru karenge tab sahi study material aur confusion se bahar nikalne ke liye unko time waste nahi karna padega.

Meri knowledge me kisi 12th pass student best tips de sakta hoon wo hai.

  • Exam ke upar puri reseach kar dale. jese syllabus, pattern, PSC ke favorite topics jinke upar har saal question aate hai etc.
  • Apna graduation UPSC ke core subject ke upar kare. (History, Geography, Polity, Economics etc) se kariye.. Agar bacche B.tech ya designing etc ka course me admission le bhi liya hai to ghabrane ki baat nahi hai. Unke pass social subject par pakad banane ka pura time hai.
  • News paper ki aadat abhi se lagane ki kosis kare.
  • Apna khud opinion aur thought banana ki practice kare.
  • Reasoning aur IQ test ki practice karte rahe.
  • Boring Magzine ( Yojna aur kuruskhetra) padhne aur samjhne ki practice kare. Yakin maniye ye bahut hard job tha mere liye isse boring kuch nahi hai.
  • Aur Last me stress lene ki zarurt nahi hai. Stress free hoke taiyari kare par first attempt me nikalne ki koshish kare.
HOW TO PREPARE FOR IAS WHILE WORKING?

Main khud ek job par hoon Kaam karte karte taiyari karne me sabse badi time management ki problem face karni padti hai. Time bahut soch samjh kar kharach karna padta hai.
Humlog ke taiyari me Time management sabse important role play karta hai. Hum jitna achha time management karte hai taiyari utni achhi hoti hai.

Mere jese kayi mere bhai aur dost honge jinhe mai kuch tips dena chahta hoon.

  • Apne kaam ke hisaab se schedule banyiye aur usse chipke rahiye. Jese mai subah 6-7 baje ke bich uth jata hoon aur 8.30 baje tak taiyari me laga rahta hoon. Apna schedule skip mat kariye chahe koi bhi din ho.
  • Apne office me kisi aise ko khojiye jo aap ke jese situation me ho, aur unse dosti kijiye. Isse apko fayda hoga. Apko aisa dost mil jayega jo apke sath kaam bhi kar raha hai aur exam crack karne ke liye aapke jitna serious hai.
  • Short and effictive Notes Online khojiye. Par kuch topics deep study karna padega.
  • AIR News ki quick news suniye. 
  • Memory technique khojiye aur use kijiye isse points yaad karne me madad milega.
  • Apne khali 10-15 me revision kare.
  • Aur last faltu chizo par dhyan mat dijiye jese Movie, Sona etc Apne holiday ka jamkar istmaal kare.

Dosto , Meri or se ye kuch chote tips hai. Aise helpful article aapke liye lata rahunga.
Mujhe ummed hai agar aap IAS ki taiyari karne ka faisla kiya to aap exam ke liye serious rahenge.
Aur saath badhai bhi dena chahta hoon jo aapne ek achha, bada aur hard faisla kiya hai.

Mere Sabhi bhaiyo aur dosto se nivedan hai ki UPSC bahut katheen Exam hai.. is par focus karne ke bajaye isko Kese crack karna hai is par focus kare.

All The Best.  





अगर पोस्ट पसंद आया हो तो कमेंट बॉक्स में मुझे जरूर बताये।  और शेयर करे और इसमें  गलती दिखी तो उसे भी बताये मै  उसे सुधारने  की कोशिश करूंगा। 


आपके पास मेरे लिए कोई सुझाव या टिप्स है तो मुझे कमेंट बॉक्स या कॉन्टैक्ट पेज पर ज़रूर बताये।  

सुक्रिया


Baca juga :

No comments:

Post a comment

to Top